ACTIVISTAS polo Mundo Que Queremos é un proxecto integrado dende o ano 2013 na plataforma Plan Proxecta da Consellería de Educación e financiado por Cooperación Galega. O obxectivo e levar aos institutos galegos as realidades do Sur e fomentar un alumnado máis crítico, participatvo e corresponsable. Abórdase ao longo do curso a través de sete sesións: 3 presenciais e 4 virtuais nas que a través de metodoloxías innovadoras como a análise doutras realidades, a visita de activistas doutros países ás aulas, ou a radio como metodoloxía de comunicación transformadora e de denuncia, apoiarán ao alumnado para construír activismos xuvenís que transcendan o centro educativo.