Este 2025 arrincamos un novo proxecto europeo, man a man con Anppia e Histagra da USC: FemWeave. Bridging the divide.
Queremos acompañar o profesorado e o alumnado de Secundaria no estudo da Historia dos reximes fascistas europeos do século XX e queremos facelo poñendo as experiencias das mulleres no centro. Pensamos que coñecer o impacto do fascismo na vida das persoas é clave para educarnos, como sociedade, na cidadanía activa e no compromiso cívico.
Estes meses estivemos analizando o estado da cuestión, en Galicia e en Italia, e revisando arquivos para escoller casos de estudo que nos axuden a traballar esta temática nas aulas. Agora estamos perfilando a metodoloxía pedagóxica para traballar co alumnado.
Se es profe de Secundaria e queres axudarnos a coñecer o voso día a día, por favor, responde esta breve enquisa. E, se queres saber máis sobre o proxecto, contacta con nós.
O logotipo do proxecto é de Coma.