Libros para sementar o cambio

Libros para sementar o cambio

A colección Defensoras de dereitos nace para visibilizar a través da literatura as vidas e o compromiso coa xustiza das máis de 2000 mulleres defensoras organizadas na Iniciativa Mesoamericana de Mujeres Defensoras de Derechos Humanos (IM-Defensoras). Os tres primeiros volumes narran as vidas de Miriam Suazo, Estela Ángeles Mondragón e María Cuc Choc, tres activistas de Honduras, México e Guatemala que teñen en común ter feito da defensa dos dereitos humanos nunha das rexións máis perigosas do mundo o seu proxecto vital e político.

Se queredes axudarnos a difundir o traballo das mulleres defensoras de dereitos en Mesoamérica, podedes descargar e compartir os tres primeiros títulos da colección en formato dixital ou ben solicitarnos exemplares en papel para os vosos centros escolares, centros socioculturais ou bibliotecas públicas, sen ningún custe económico para vós. Se queredes organizar unha actividade pedagóxica arredor dos libros, podedes consultar a dispoñibilidade e as necesidades a través do correo organizacion@agareso.org.

COLECCIÓN DE LIBROS
Defensoras de dereitos

2021 | Texto: Lara Dopazo Ruibal | Ilustracións: RotmInas e Conxenia/Marta Conde | Corrección lingüística: Adrián Estévez Iglesias | Deseño e maquetación: conxenia.gal

Este proxecto está impulsado pola Coordinadora Galega de ONGD e pola Asociación Galega de Comunicación para o Cambio Social (AGARESO), en colaboración coa Iniciativa Mesoamericana de Mujeres Defensoras de Derechos Humanos (IM-Defensoras) e co apoio da Deputación de Pontevedra.

A colección presentouse o 16 de decembro de 2020 no Museo de Pontevedra. Podedes ver a presentación no vídeo que acompaña estas liñas.

A autora dos libros é a xornalista e escritora galega Lara Dopazo Ruibal (Marín, 1985), autora de Os lobos na casa de Esaú (Chan da Pólvora, 2017), Claus e o alacrán (Espiral Maior, 2018), Ovella (poemario co que gañou o Certame Francisco Añón) e O axolote e outros contos de bestas e auga (co que gañou o Premio Illa Nova de Narrativa 2020). Tamén é coautora e coeditora do ensaio colectivo experimental A través das marxes: Entrelazando feminismos, ruralidades e comúns (Bartlebooth, 2018), está especializada en Cooperación Internacional e é voluntaria de Agareso. Foto de David Espiño.

Ler Miriam Suazo e a digna rabia

Miriam Suazo (Honduras) conta cuha traxectoria de 20 anos traballando polos dereitos humanos. Actualmente, faino desde o Centro de Estudios de la Mujer e a Red Nacional de Defensoras de Derechos Humanos de Honduras, coordinando xunto a outras organizacións e os movementos sociais o fondo de emerxencia para a protección das persoas defensoras expostas a riscos inminentes debido ao seu labor.

Páx: 48 | A partir de 12 anos

Ler Estela Ángeles Mondragón e o camiño a Baqueachi

Estela Ángeles Mondragón (México) é defensora dos dereitos territoriais. Desde hai máis de dúas décadas acompaña ao pobo rarámuri, unha comunidade indíxena do norte de México, na
recuperación de 44.000 hectáreas de terra e o recoñecemento dos seus dereitos.

 

Páx: 48 | A partir de 14 anos

Llevar la ley a la gente

by Estela Mondragón

Ler María Cuc Choc o corazón en alto

María Magdalena Cuc Choc (Guatemala) apoia ás mulleres supervivientes de violencia de xénero e tamén ás comunidades que sofren desaloxos violentos como consecuencia da usurpación de terras das empresas extractivistas e de monocultivo.

.

 

Páx: 48 | A partir de 14 anos

La múltiples facetas de la defensoría

by María Cuc Choc

Descargas para prensa e RR.SS.

Share This