Vas permitir que o comenzo marque o seu destino?

A Tribo é un proxecto de Agareso e Igaxes no que 22 adolescentes en risco de exclusión social traballaron en equipo con diferentes ferramentas de comunicación ata para definir esta campaña, coa que nos recordan que as súas voces tamén importan e deben ser escoitadas.

Aitor, Alecoy, Valentina, Aroha, Gabriel, Karma, Ilias, Jordan, Jorge, Natxo, Lorena, Mariana e Chari pídennos que non xulguemos nin poñamos límites ás súas vidas, que non miremos para outro lado nin as deixemos caer. Propoñen, simplemente, que nos deamos conta do que valen e que -se é preciso- as axudemos a cambiar o rumbo.

Elas e eles son as verdadeiras axentes do cambio, ideadoras de solucións e xeradoras de impacto público. Coñece as súas historias e mensaxes. E, se che quedan ganas de máis, goza coas curtas e podcast que crearon como parte deste proceso. Despois, pregúntate de novo, ¿Vas permitir que o comezo marque o seu destino?

Lévame ás curtas

COÑECE A NOSA TRIBO

Valentina é unha persoa reservada, aínda que tamén sociable e agradable. Gustaríalle ter un traballo relacionado coa animación porque no seu tempo libre pásao ben xogando a videoxogos. Ela é consciente das súas responsabilidades e moléstalle que lle repitan demasiadas veces o que ten que facer.

Nacho é un adolescente de 17 anos ao que lle gusta a hostalaría, o baloncesto, ler e escribir historias post-apocalípticas, de terror e de fantasía. No futuro gustaríalle ter unha situación estable, cun traballo que lle permita vivir e un grupo de amigos nos que poida confiar. O que menos lle gusta é o machismo e o capitalismo.

Mariana é unha rapaza de 18 anos moi sociable e amigable, porque ninguén se merece un mal trato. Quere mudarse a Barcelona, estudar Belas Artes e ter un traballo estable relacionado cos seus estudos. Gústalle debuxar, ler e manterse informada do que acontece no mundo. Aspira a estar tranquila e non lle gusta a xente hipócrita nin que se cre superior ás demais.

Lorena é unha persoa divertida e agradable. O que máis lle gusta é axudar á xente e estar aí para quen o precise, por iso quere estudar educación social. O que non soporta son as mentiras.

Karma é algo en proceso de construción, un concepto, algo confuso. No futuro non se imaxina de ningunha maneira, porque non ve saídas laborais. Quere unha vida tranquila na que coidar de plantas, ter gatos e dar paseos pola praia. Gústalle todo o relacionado coa creación artística: audiovisuais, escribir, debuxar.

Jorge é un rapaz de 20 anos que reside nunha vivenda tutelada en Vigo. Quere vivir en Nova York porque lle atrae a cultura norteamericana e, como quere ser actor, cre que ten máis probabilidades de atopar traballo alí. Agora, que busca traballo, resalta que lle gustaría que as empresas, ao rexeitar a alguén, deran unha explicación para poder mellorar.

Jordan é unha persoa moi sociable e amante dos animais, en especial dos cans, e dos seus amigos. No futuro gustaríalle ser chef, porque lle gusta cociñar as comidas típicas do seu país: Perú.

Gabriel é unha persoa a que lle gusta transmitir alegría. O seu tempo libre adícallo a xogar ao fútbol, á consola e a practicar o freestyle. Non lle gusta a xente mentireira e, no futuro, vese cunha famila, un traballo e vivindo feliz.

Chari é unha rapaza de 17 anos que reside nunha vivenda tutelada en Santiago. De aquí a 10 anos gustaríalle poder vivir soa ou con compañeiras e compaxinar os estudos co traballo. No seu tempo libre le e pensa nela mesma. O que menos lle gusta é a xente que fala sen saber.

Aroha é unha persoa libre e cambiante. Non lle gusta facer sempre o mesmo; necesita explorar cousas novas. Tamén se considera extrovertida e creativa. Disfruta do seu tempo libre pintando mentres escoita música. No futuro quere ter o seu propio estudo de tatuaxes.Cre que, para construir unha sociedade mellor, deberiamos ser máis empáticos e respectarnos entre todos.

Alecoy é un pouco introvertida, dinámica e implícase moito nos proxectos que a motivan. Encántalle todo o que teña que ver co audiovisual e coa creatividade, por iso lle gustaría estudar animación. Non lle gustan nada as matemáticas, aínda que tolera os polinomios.

Comparte esta campaña e a sú mensaxe e axúdanos a reverter os estigmas que sufren as e os mozos tutelados ou en risco de exclusión. Comparte o seu talento, a súa creatividade, a súa capacidade de esforzo e de análise da realidade. Demostremos que a súa ollada sobre o mundo importa. #SomosTribo #ATribo

Crearon a campaña de A Tribo 20-21 “Vas permitir que o comenzo marque o seu destino?”:
Aitor Otero Ricart
Alecoy Cárdenas Schwenke
Andrea Valentina Dos Santos Gómez
Aroha Brandón Rodríguez
Gabriel Rodríguez Rodríguez
Gabriela Sánchez Graña
Ilias Hira
Jordan Jhosep Vilca Agüero
Jorge Fernandes da Faia
José Ignacio Quirós Blanco
Lorena Seoane García
Mariana Michels dos Santos
Rosario Lojo Arias

Fotografías: Andrés Fraga
Deseño e vídeo: The Office