Muda o conto é un proxecto que nace coa crenza de que a mocidade estudante de comunicación é un motor de cambio contra o odio.

Baixo ese obxectivo, durante o proxecto realízanse formacións nas diferentes universidades galegas para achegar ao estudantado que son os discursos de odio, como identificalos, cal é o panorama no que se expanden e como combatelos. Formamos ao alumnado nas ferramentas e estratexias necesarias para facer fronte a estes discursos como comunicadores/as e animámolos a ser partícipes no cambio de narrativas. 

Para isto, xeramos un grupo motor de alumnado das tres universidades galegas que se organiza, co noso apoio, para levar a cabo unha campaña de sensibilización sobre a temática, da man do colectivo implicado nestas discriminacións e dirixida aos seus compañeiros/as. En cada edición, o programa traballa unha tipoloxía de odio diferente (LGTBIfobia, racismo, antixitanismo, aporofobia,etc). Esta campaña ten como canle principal Tiktok pero tamén conta con accións de incidencia directa nas facultades e con traballo cos medios de comunicación.

…no 2025?

A quinta edición do proxecto fixo fronte ao odio dirixido ás persoas en situación de exclusión social e/ou pobreza.

…no 2023?

Na súa terceira edición, o proxecto traballou o discurso do odio por razón de xénero da man de numerosas mulleres.

…no 2021?

O voluntariado da entidade puxo en marcha unha campaña de sensibilización para combater o discurso do odio racista, dirixida a alumnado de estudos superiores de comunicación galegos.