No 2022, a segunda edición do proxecto incorporou a realización das formacións “Aprendendo a combater o discurso de odio” nas tres universidades galegas co propósito de achegar estes consellos de primeira man, ademais de ser reforzados a través da campaña en redes sociais. Estas xornadas mesturan a ensinanza teórica coa práctica, de xeito que o alumnado poida interiorizar os conceptos e estratexias explicadas. Tódalas pezas deseñadas durante as sesións son difundidas como parte da mensaxe #mudaoconto, de xeito que o alumnado sexa partícipe tamén do proceso de concienciación. A segunda edición do proxecto puxo ou foco en combater a LGTBIfobia e a terceira (e actual) no odio por razón de xénero tendo moi presente a súa articulación dende outras discriminacións como ou racismo, a LGTBIfobia, a xenofobia, capacitismo, etc.

Ante un contexto global co odio como protagonista, o papel dos medios e profesionais da comunicación gaña moita relevancia. Por isto, dende AGARESO consideramos imprescindible formar e sensibilizar ás novas xeracións de comunicadorxs sobre a súa responsabilidade na loita contra o odio e no camiño cara un cambio social.

…no 2024?

A cuarta edición do proxecto enfocouse no antixitanismo de xénero, é dicir, no discurso do odio que sofren as mulleres xitanas.

…no 2022?

O foco do proxecto púxose en sensibilizar ás novas xeracións de comunicadorxs sobre como combater a LGTBIfobia dende a comunicación.