Lar
Un documental de soños e recordos
Audiovisual para a prevención da discrminación por motivos de idade é un proxecto de Agareso financiado pola Consellería de Política Social da Xunta de Galicia dentro da convocatoria de axudas destinadas a realizar programas de interese xeral para fins de carácter social con cargo á asignación tributaria do IRPF. Está incluído na liña V: Accións destinadas á xuventude.
O principal obxectivo deste programa é previr a discriminación por motivos de idade. Isto, achegando os maiores aos mais novos, de xeito que eles e elas mesmas se den conta de que teñen moito que aportarse mutuamente.
Deste programa nace o documental Lar, que se gravou nos concellos galegos de Zas e As Nogais. Está protagonizado por tres parellas de avós ou avoas cos seus netos e netas. Eles e elas son:
- Hadrián Otero e Ovidio Otero
- Claudia Lema e Balbina Rial
- Laura Núñez e José Núñez
A estrea do documental foi os días 20 de outubro en Becerreá (Casa da Cultura, 18:00h) e 21 de outubro en Zas (Auditorio do Concello de Zas, 20:00h). A partir dese momento, calquera concello, entidade social, ou outro organismo que o desexe pode poñerse en contacto con Agareso para poder proxectalo, de xeito gratuíto.
Lar
Ámbito territorial: Galicia
Data: 2023
Financiador: Consellería de Polítia Social, Xunta de Galicia
Orzamento: 11037,14
Ano: 2023 | Documental social | Duración: 36′ | Idiomas: Galego | Formato: HD 1920×1080 Stereo
Sinopse: O rural galego está cada vez máis despoboado e a maioría de crianzas medran lonxe dos seus avós e avoas. Lar conta a historia de tres adolescentes que medraron cos avós e avoas en tres aldeas galegas. É unha homenaxe ao rural, aos maiores e tamén aos mozos e mozas que deciden pasar tempo con eles.
Descargas para prensa
CARTEIS
TRAILER
FOTOGRAFÍAS
FICHA TÉCNICA
