José Augusto Mendoça / Guinea Bissau.- A subministración destas materias enmárcase no programa de emerxencia e de apoio á seguridade alimentaria deseñada polo goberno, a través do Ministerio de Agricultura, para mellorar a produción agrícola en Guinea-Bissau.

O Ministro da Agricultura indicou que esta maquinaria vai permitir ás familias produtoras aumentar as súas áreas de produción tradicional en máis de tres hectáreas, mellorar as condicións de procesamento dos cereais e aliviar, sobre todo, ás mulleres que levan ata tres meses en operacións de descasque de arroz.

Defendeu que o esencial é a introdución da mecanización agrícola, que vai permitir a saída da agricultura de subsistencia e de precariedade alimentaria cara á de mercado. "É este enfoque tecnolóxico que vai liberar man de obra das tarefas máis cansas e menos produtivas para aplicar nas áreas en que pode supoñer unha diferenza", engadiu Barros Bacar Banjai.

O ministro da Agricultura e Desenvolvemento Rural defendeu que a agricultura e a seguridade alimentaria deberían figurar no centro do esforzo do desenvolvemento permanente e a loita contra a pobreza.

Por estas razóns, proseguiu, o executivo formulou dúas estratexias para o sector agrícola e rural, expresamente de urxencia de cara á escaseza alimentaria, a través da subministración de sementes melloradas e insumos agrícolas.

Definiuse tamén a estratexia de investimento e de apoio ao reforzo de capacidades dos agricultores, das organizacións campesiñas de base, asistindo na recuperación de bases de produción.

Na ocasión, o Primer ministro defendeu que a agricultura guineense, que é tradicional e de subsistencia, debe pasar, paulatinamente, a un labor máis produtivo e competitivo, visando non só o consumo familiar, senón para crear excedentes para colocar no mercado.

"Ao corrente desta agricultura familiar, estamos a apostar seriamente na produción moderna, encarada nunha perspectiva industrial, para complementar aquela", informou o xefe do executivo.

"Por iso imos continuar mobilizando recursos para desenvolver o sector agrícola", prometeu o xefe do executivo guineense, que asegurou cumprir o chamado Acordo de Maputo, que consiste na atribución de 10% do Presuposto Xeral de Estado de cada país africano á agricultura.