Alejandro Espiño, Carlos Fariña, Rita Pérez, Miguel Núñez, Juan de Sola e o noso correspondente en Ecuador, Wilson Morales, desvelan os segredos da relación entre a ONGD Amarante (Galicia) e a Fundación Maquita (Ecuador), unha organización social de referencia no sector primario e social. Nos últimos anos, logrou conxugar o cultivo sostible, a manufactura e a comercialización, sen esquecerse da peza clave da engrenaxe: o campesiño e a súa cooperativa.

Produtos que nacen a un lado e se consumen no outro, coa etiqueta e certificado de xustiza, igualdade e desenvolvemento para numerosas comunidades da serra e costa de Ecuador. Unha filosofía resumida nunha as frases que presiden na memoria da fundación: "Deamosnos a man para comercializar como irmáns".

O proxecto do documental sobre o comercio xusto que propomos gravar pretende analizar o fenómeno que supón o comercio xusto, visto desde a óptica das tres grandes áreas que forman o seu proceso produtivo: a colleita, a manufacturación do produto e a distribución e venda tanto no comercio como no exterior do país.

A cultura andina acolleu cunha xenerosa aperta esta iniciativa de visibilizar as súas accións modélicas na estrutura dunha complexa organización.