Son doce obras de arte concentrada, doce reflexións positivas ao redor da interculturalidad, a diferenza e a inmigración, froito da mente aberta e os lapis xenerosos doutros tantos grandes ilustradores que aceptaron acompañarnos nesta viaxe de 365 días. Eles son Kiko Dasilva, Elías Taño, Carla Berrocal, Cristina Durán y Miguel Ángel Giner, Toni Seijas, Leandro Barea, David Pintor, Fran Bueno, Xaquín Marín, Jacobo Fernández, Belatz y Xurxo G. Penalta.
Este ano Ecos do Sur abre unha nova etapa, chea de compromisos e proxectos, que cobran vida e continuidade cando adquires este calendario. Ti pechas o círculo da solidariedade. Coñécenos, apóianos e... fainos eco!
Podes facerche co calendario de parede Ecos do Sur 2012 por un prezo de 8 euros nos seguintes puntos de venda:
Librería Nova Colón, C/ Olmos, nº 9
Librería Cascanueces, C/ Cordonería, nº 10
Librería Sisargas, C/ Curros Enríquez, nº 9
Alita Cómics, C/Orzán 110, Rda de Nelle, nº120
Tanxencias Cómics, Pza. Padre Rubinos, nº 14
Pub Dublín, C/ Panaderas, nº 50
Café O Alfaiate, C/ San Juan, nº 7
Café O’ Delito, C/ Tabares, nº 1
...E tamén na nosa sede (Ángel Senra, 25 1º) ou a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
O importe íntegro dos beneficios recadados coa comercialización deste calendario será investido nun novo proxecto orientado á integración laboral dos colectivos máis vulnerables da cidade. Grazas por colaborar!
Impreso en papel solidario, 100 % libre de intolerancia. Contén altas concentracións de compromiso puro e conciencia social.
Ecos do Sur é unha ONG de Desenvolvemento con sede na Coruña e de ámbito estatal, que desde 1991 traballa pola integración dos colectivos en risco de exclusión social, desde unha perspectiva de servizo social integral. Desenvolvemos programas específicos de atención e orientación sociolaboral para: persoas inmigrantes e emigrantes retornadas, mulleres vítimas de violencia de xénero e trata, menores tutelados en centro de Administración Pública, poboación desempregada e poboación recluída e ex recluída.
