Nesta pequeña mostra recóllense carteis de películas que abordan a violencia de xénero (ata hai ben pouco invisible tamén para o cine) con miradas cinematográficas moi diversas e polo tanto visións do mundo ás veces contrapostas. A visibilización desas situacións, a sensibilización e a concienciación de toda a sociedade no rexeitamento da violencia de xénero son algunas das claves para comezar a superala e, en consecuencia, lograr a iugaldade real entre mulleres e homes.
Diversas etapas e cinematografías
As películas cuxos carteis se exponen, corresponden a etapas históricas e cinematografías nacionais diversas, cunha mirada especial ao cine español, con referencia a Siete mil días juntos [1994] de Fernando Fernán-Gómez, Solas [Benito Zambrano, 1999]), Átame [Pedro Almodóvar, 1990], Hable con ella [Pedro Almodóvar, 2002] ou El patio de mi cárcel [Belén Macías, 2008]), así como a producións internacionais, como Corazones de hierro de Brian de Palma [1989] ou Sin perdón [Clint Eastwood, 2005]).
Esta exposición forma parte da programación da Secretaria Xeral de Igualdade (Xunta de Galicia) para conmemorar o Día Internacional para a eliminación da violencia contra as mulleres, considerando a potencialidade do cine como axente de socialización.
A mostra permanecerá na Facultade de Ciencias Sociais e da Comunicación de Santiago de Compostela (Avda. Castelao, s/n - Campus Norte) ata o vindeiro 30 de decembro.
