A transparencia, a calidade e a promoción da igualdade e a dignidade son a base da nosa filosofía. Ela inspira o quebracabezas de emocións que é este calendario, unha patria diversa e divertida na que conviven seres estraños, fronteiras de xoguete, bruxas, mulleres tan fortes como Hulk e peles da gama do arco iris.

A Facultade de Ciencias Sociais e da Comunicación de Santiago de Compostela acolle ata finais de mes, unha exposición de carteis cinematográficos sobre violencia de xénero. A mostra, formada por 20 carteis pertencentes á colección conservada polo Centro Galego de Artes da Imaxe/Filmoteca de Galicia, representan un percorrido por algunhas das múltiples formas e puntos de vista polos que o cine se ten aproximado á violencia de xénero ao longo da historia.

O centro comercial Área Central, en Santiago de Compostela, acolle unha exposición sobre a Declaración Universal dos Dereitos Humanos realizada polo Seminario Galego de Educación para a Paz con motivo da celebración do 63 Aniversario do que, probablemente, é o texto máis relevante e influínte do século XX. Consta de 32 paneis onde pódese ler o texto dos 30 artigos da Declaración Universal ilustrados polo artista Fausto Isorna.

A través da rede REAL CODE, promovida por docentes das tres universidades galegas, esta semana celebran o seu primeiro encontro presencial para establecer liñas de traballo conxuntas.