O reporteiro de AGARESO Pelu Vidal seguiu as viviencias de dous deses cativos, Jadidja e Salama, coas familias de acollida e nos seus fogares do deserto. As imaxes recollidas en ámbalas dúas experiencias deixan ver que os dous mundos están máis preto do que pode semellar e que un e o outro son lugares idóneos para vivir unha infancia feliz e plena. Convivencia e integración son posibles por riba das diferenzas.
Galería
/images/stories/img_galerias/galicia_sahara_gl/Sahara_Galicia%2001.jpgMilleiros de nenos saharauis coma Salama dánlle unha tregua ó verán grazas ao programa ‘Vacacións en Paz’. Cambian así os preto de 50 grados do deserto polas frescas augas das rías galegas.
/images/stories/img_galerias/galicia_sahara_gl/Sahara_Galicia%2002.jpgA escaseza de auga e alimentos, a falta de futuro ou a severidade que depara a vida no Sáhara déixanse aparcados por unhas semanas nas que a praia devolve á infancia todo o seu significado.
/images/stories/img_galerias/galicia_sahara_gl/Sahara_Galicia%2003.jpgIntercambio cultural. Aprender a tocar a pandeireta ou a cantar una xota, ensinar a ceremonia do té… actos cotias que acurtan distancias e estreitan os afectos entre Beni, o seu pai adoptivo, e Manuel, o seu irmán galego. Salama ten man e iso nótase, quizais porque adoita darlle ós timbais na súa vila natal.
/images/stories/img_galerias/galicia_sahara_gl/Sahara_Galicia%2004.jpgA televisión, os debuxos animados, absorben toda a atención do neno de 11 anos que pon a mesma mirada atenta cando os seus maiores relatan as penurias da familia que malvive baixo dominio marroquí en territorio ocupado. Un drama que mantén separados a pais e fillos, a matrimonios e amigos.
/images/stories/img_galerias/galicia_sahara_gl/Sahara_Galicia%2005.jpgA Jadidja e Rabat un espello dálles de volta un reflexo que teñen poucas oportunidades de ver nun campamento no que un aseo é un luxo. Pola súa excepcionalidade, cada detalle da imaxe que lles amosa toma maior importancia.
/images/stories/img_galerias/galicia_sahara_gl/Sahara_Galicia%2006.jpgO sol é sempre o mesmo, o que cambia é a forma en que un disfruta das súas vantaxes. No Sáhara é una imposición permanente, en Sanxenxo, cada vez que sae, ofrece a Jadidja a oportunidade de disfrutar do seu ben máis prezado: a auga.
/images/stories/img_galerias/galicia_sahara_gl/Sahara_Galicia%2007.jpgNon deixa de ser area, pero non ten o mesmo senso nun fogar onde invade a paisaxe que nunha praia na que deixa paso a longos baños e xogos acuáticos.
/images/stories/img_galerias/galicia_sahara_gl/Sahara_Galicia%2008.jpgPasar de vivir entre ruínas de adobe a bañarse nunha praia do océano Atlántico require unha adaptación, pero a mente ávida de vivencias dunha nena de seguida atopa o mellor de cada experiencia.
/images/stories/img_galerias/galicia_sahara_gl/Sahara_Galicia%2009.jpgUn aire quente e denso dáche o bico de benvida cando pos un pé no deserto. É so un adianto da intensidade do recibimento que che darán as jaymas de portas sempre abertas e de anfitrións entregados.
/images/stories/img_galerias/galicia_sahara_gl/Sahara_Galicia%2010.jpgUn bico puro de Saba e Mohamed devolven a Jadidja ó seu fogar e a unha vida na que as relación familiares cobran unha dimensión impensable.
/images/stories/img_galerias/galicia_sahara_gl/Sahara_Galicia%2011.jpgUnha simple pedra pode ser o motor dunha tarde de diversión nun mundo no que as agullas do reloxo se moven máis despacio e permiten momentos inesgotables de complicidade fraternal antes de que un manto de estrelas cubra o campamento.
/images/stories/img_galerias/galicia_sahara_gl/Sahara_Galicia%2012.jpgA enerxía solar que se recolle durante todo o día e se almacena en baterías recobra importancia nas noites do deserto, ofrece a oportunidade de aproveitar eses momentos nos que a calor xa non reduce a enerxía vital.
/images/stories/img_galerias/galicia_sahara_gl/Sahara_Galicia%2013.jpgOs seus ollos nostálxicos amosan que os recordos de Sanxenxo quedaron cravados na súa mente, pero o seu sorriso reflicte que Jadidja é feliz nunha paisaxe de area sobre area.
/images/stories/img_galerias/galicia_sahara_gl/Sahara_Galicia%2014.jpgOs nenos da guerra? A paciencia esgótase no Sáhara. Xogar a ser soldado nunha terra onde os soldados soñan con volver coller as armas é so un sinal da perda da inocencia.
/images/stories/img_galerias/galicia_sahara_gl/Sahara_Galicia%2015.jpgA fenda de occidente nos campamentos non só se deixa ver na variada vestimenta dos nenos (sombreiros, reloxos, grandes zapatillas, teléfonos móviles…), tamén repercute na súa calidade de vida. A axuda dos pais adoptivos permite reformar os baños, comprar neveiras ou encher a despensa. O único regalo imposible de satisfacer será que volva á casa cunha tartaruga de auga.
/images/stories/img_galerias/galicia_sahara_gl/Sahara_Galicia%2016.jpgA vida comeza no deserto. Cando aínda case nin saiu o sol, Salama sae a buscar pan fresco para ofrecer ós xornalistas invitados un almorzo no que non falta café feito recentemente, manteiga, marmeladas e todo tipo de conservas que só saen da despensa en contadas ocasións.
/images/stories/img_galerias/galicia_sahara_gl/Sahara_Galicia%2017.jpgSaint-Exupéry elixiu o Sáhara como destino do seu ‘Principiño’, que atopaba nas postas de sol que ofrecía o seu minúsculo planeta a única distracción. Dende aquí, Salama dá a réplica ao escritor ao ocupar un palco de honra para gozar do maior espectáculo: a lúa africana.
