Os indíxenas guatemaltecos seguen conservando a cosmovisión maya como a mellor forma de tomar decisións e de sentirse en comuñón coa terra. Segundo as súas crenzas as enerxías positivas e negativas son as que rexen o mundo e se as persoas non intentan manter o equilibrio necesario coa natureza o mundo tal cal o coñecemos podería desaparecer, por iso o seu deus principal é a Nai Terra. A maioría de cerimonias realízanse en espazo naturais, onde os seus devanceiros reuníanse e en todas teñen unha gran importancia o lume purificador e os incensos. Segundo as crenzas mayas o 21 de decembro de 2012 o mundo tal e como o coñecemos terminará, pero esta non é a típica visión apocalíptica, se non que está baseada na teoría do cambio como evolución e busca que as persoas estean preparadas para os futuros cambios.
