Esta imaxe foi tomada na zona do 'Nariz do Diaño', unha barreira rochosa incrustada nas montañas andinas da provincia de Chimborazo (Ecuador), onde se chega no 'Tren do Diaño', coñecido tamén como o “ferrocarril máis difícil do mundo ”, cuxa travesía  parte de Riobamba, pasa por Guamote, logo por Alausí e descende por unha parede rochosa moi empinada –o 'Nariz do Diaño'– ata a zona tropical da costa ecuatoriana para chegar finalmente a Guayaquil. Alí encontrei a esta nai, ao seu neno e a súa mascota, que se dirixían andando cara a súa casa, 500 metros máis arriba, despois dunha dura xornada de traballo.