A Asociación Galega de Reporteiros Solidarios (AGARESO) organiza a terceira edición da súa convención anual Comunicación, Cooperación e Solidariedade (CCS) co obxectivo de compartir as súas experiencias en comunicación social tanto cos seus asociados coma con membros do terceiro sector e con público en xeral interesado na comunicación, na cooperación e na solidariedade.
O encontro celebrarase a fin de semana dos días 23 e 24 de outubro na Cidade Infantil Príncipe Felipe (Pontevedra) e será retrasmitido en directo durante a xornada do sábado 23 a través de AGARESO RADIO na web www.agareso.org e nas redes sociais facebook e Twitter.
A III Convención Anual de AGARESO nace coa finalidade de converterse nun foro de debate entre comunicadores e todo tipo de organizacións sen ánimo de lucro e con fins sociais para compartir experiencias comúns e poñer en coñecemento das outras organizacións o traballo que se realiza na actualidade no eido social en Galicia.
As persoas interesadas en asistir poden incribirse poñéndose en contacto con AGARESO a través da dirección: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo .
Pode consultar o programa da convención aquí:
