Eva Alonso/Estrela López, O Salvador.- Ricardo Jiménez lamenta que aínda moitos cidadáns tiren o plástico en calquera sitio. "Cando un país é pobre o seu lixo tamén é pobre", concluíu matizando que aquí, no Salvador, apenas hai refugallos metálicos, electrónicos ou de vídrio. "O que predomina, sobre todas as cousas, é o plástico en todos os seus formatos".

P.- Con Amigos da Terra levan varios anos colaborando en diferentes proxectos encamiñados a preservar o medio ambiente...

R.- Si. En base a iso desenvolvemos proxectos de concienciación sobre o compostage, a separación de refugallos, así como a capacitación en centros escolares para educar aos nenos. O benestar ambiental inflúe tamén no benestar da poboación.

P.- Vostedes están a aprender a reciclar, como iniciaron este proceso?

R.- Nestes momentos levamos a cabo un plan de construción dunha planta piloto de compostaxe coa axuda de Amigos dá Terra, cuxo obxectivo é asumir os refugallos dos municipios de Conchagua, aínda que tamén está pensado para A Unión.

P.- Cal é a participación cidadá neste proceso?

R.- Eles son o primeiro elo desta cadea. Inician a separación en colectores nos seus domicilios, diferenciando lixo orgánico e plástico. A recollida faise en diferentes días xa que non temos capacidade económica para instalar colectores de diferentes cores nas rúas e menos para comprar camións específicos de recollida.

P.- Que significa recoller o lixo por días?

R.- Pois se envían os camións a recoller o lixo orgánico dous días diferentes á semana e outros dous recóllese o PEK. Pero o proceso non queda aquí. Estes colectores recóllense e levan a San Salvador e alí procésanse. Os plásticos envíanse a outros países para a súa reciclaxe mentres que o lixo orgánico enviarase nun futuro a esta planta de compostaxe que está a piques de abrir as súas portas.

P.- E para cando?

R.- Para ahorita mesmo. Dentro dun mes. É un orgullo para nós dicir que se trata da primeira planta destas características no Salvador.

P.- Cando estivemos no pobo dos Jiotes os nenos recollían os plásticos da rúa porque se lles pagaba...

R.- Si, efectivamente. Dáselles un incentivo "ecolóxico" a estas persoas por cada "yumbo" de plásticos. Se lles retribuye para incentivar a recollida e a eliminación destes plásticos das comunidades, pero tampouco queremos que a xente o vexa como unha fonte de ingresos xa que se non se tiraría máis plástico para logo obter máis ingresos.