O máximo responsable da asociación intermunicipal do Golfo de Fonseca no Salvador, Ricardo Jiménez, recibiu aos reporteiros que integraron a expedición do proxecto AGARESO no Golfo de Fonseca na sede da súa asociación, que aglutina a 13 municipios e que se atopa situada en pleno centro de Conchagua, municipio veciño á Unión.

Na protesta contra o asentamento xudeu situado no corazón de Hebrón atopámonos con Amitai Sandy, un mozo israelí que defende a causa palestina. Responde as preguntas das xornalistas de AGARESO en inglés. Consegue que a súa voz soe máis forte que o “Free, free Palestine” que corean os manifestantes.

Natalia Puga/Lara Varela. Bendir Hadya é un soldado na reserva. Loitou co Frente Polisario desde o ano 1978 e, desde o alto ao fogo, traballa coma tradutor-guía para o Goberno saharaui á espera de retomar as armas como único camiño para recuperar o seu territorio. Co muro construído polos marroquíes como telón de fondo, contextualiza o conflito saharaui na fronteira entre ambos territorios.

No actual contexto de aumento da exclusión social e a pobreza infantil, o III Intercambio Profesional de Federación de Entidades con Proxectos e Pisos Asistidos (FEPA) celebrado en Santiago de Compostela organizados por Igaxes3 quixo “reflexionar sobre as novas necesidades educativas dos menores tutelados e ex tutelados de cara á súa autonomía plena e á súa inclusión real na sociedade”. Unha das participantes na actividade foi Elisa Fernández, educadora nun piso mentor da Coruña e firme defensora deste recurso como paso previo á vida adulta independente que aparte a estes mozos da exclusión á que os condenou a sociedade.