- Defender o dereito universal das persoas a informar e ser debidamente informadas (ao xornalismo ingrésase vocacionalmente como a unha relixión: para servilo, e non para servirse del).
- Avogar pola facultade do público a ter acceso a unha información obxectiva, veraz e exacta (cando deas unha noticia negativa ou sinistra, non esaxeres a súa exacta dimensión, despois así non causarás con ela alarma pública nin pánico na comunidade).
- Propugnar pola democracia, a igualdade, a xustiza social, a paz e o benestar colectivo (na túa profesión de xornalista, defende sempre ideas e valores, como a vida, a paz, a liberdade, a xustiza social e os dereitos humanos, pero nunca intereses económicos de persoas ou grupos).
- Evitar incorrer en difamación e inxuria, para protexer a honra dos seres humanos (xamais escribas, como xornalista, o que non poidas defender como persoa).
- Absterse de recibir estipendio para ocultar, distorsionar ou privilexiar informacións (a cambio dos teus comentarios xornalísticos, non aceptes nunca recompensas monetarias, agasallos, obsequios ou viaxes, pois todo iso comprométeche con xestores do diñeiro e da política e perdes a túa independencia e liberdade).
- Rectificar as informacións falsas e inexactas e respectar a propiedade intelectual (cando redactas unha crónica ou unha columna, investiga e infórmate en profundidade primeiro, para non ser desmentido despois).
- Gardar sempre estrito segredo profesional das súas fontes de información (para o xornalista, a liberdade de prensa é como o sangue que corre polas súas veas; se ela se estanca, o xornalismo libre morre).
- Velar polo respecto ás súas opinións e a profesionalización, a fin de que honre o seu labor e sirva mellor á sociedade (como xornalista, nos teus escritos xamais recorras á inxuria, á calumnia ou á linguaxe procaz e ordinaria, senón soamente á ética, á moral e ao respecto mutuo co lector).
- Fomentar a fraternidade entre colegas, respectar a súa reputación e brindarlles solidariedade.
- Actuar con rectitude no seo do colectivo onde colabora e non desdeñar o seu bo nome (se na túa vida, como xornalista, cumpres os preceptos anteriores, gozarás dunha gran riqueza espiritual e conciencia social).
