Amosando elementos por tag discapacidade

Verónica, unha xornalista cega na Televisión Pública Argentina

Verónica, unha xornalista cega na Televisión Pública Argentina

De escoitar con atención ao locutor ou ao cantante en vivo. De vivir coa radio como compañeira e amiga. A rutina sonora interrompeuse cun estrondo cando chegou a televisión. A década dos 50 foi o tempo no que as familias desprazaron as bucinas polas figuras e as siluetas, as ondas hertzianas pola pantalla e a imaxinación polas imaxes.


Luns, 25 Febreiro 2013 Reportaxes Ler máis...
Día Internacional das persoas con discapacidade. Alento sae á rúa contra os recortes

Día Internacional das persoas con discapacidade. Alento sae á rúa contra os recortes

A Asociación de Dano Cerebral de Vigo, “Alento” saíu hoxe á rúa para denunciar o seu incerto futuro polos recortes orzamentarios que a están deixando sen axudas. Reivindicou con outros colectivos de discapacitados o seu dereito democrático a non estar marxinados e a unha vida digna. A entidade sen ánimo de lucro está pendente destas subvencións para abrir o seu novo centro de Navia. Unhas 40 persoas agardan en lista de espera para entrar na entidade, que agora atravesa un ERE e traballa baixo mínimos para 56 usuarios con dano cerebral adquirido por un accidente ou un ictus.

Cada ano 33 de cada 100.000 persoas sufren dano cerebral, o primeiro motivo de discapacidade da poboación nova. En España contabilízanse arredor de 400.000 afectados, 13.000 deles en Galicia e dous milleiros na cidade olívica.

Almudena R., de 29 anos, ten dano cerebral dende hai 17 debido a unha intervención cirúrxica para extraerlle un tumor. Recuperou todas as súas capacidades, ainda que ten algúns problemas de memoria, o que a animou a estudiar Educación Infantil.

Dende que acude a “Alento” notou sobre todo mellaría no seu “comportamento, agora coopera máis nas tarefas da casa, teño menos enfados e relaciónome máis coa xente”, sinala. “Deume a vida. Serviume para coñecer a outras persoas e para facer amizades”, engade.

Sobre todo aprendeu informática: “Fago documentos de Word. Sei utilizar Internet e aprendín a empregar o correo electrónico”, explica. Ademáis coiro e cesteiría axúdanlle a “centrar máis a atención”, conclúe.

O fisioterapeuta do centro, Daniel Diz, comezou como voluntario na asociación e xa leva 6 anos contratado. Emprega diferentes técnicas para tratar aos pacientes como “o concepto Bobath, ferramentas para traballar con afectados con secuelas psico-neurolóxicas”.

“A maioría son pacientes crónicos non moi dependentes. Necesitan apoio. Trátase de que a persoa sexa o máis autónoma posible”, indica. “Todos os tratamentos están orientados a unha tarefa determinada, por exemplo o alcance dun obxecto coa súa man afecta ou traballar o paso na marcha”, engade.

A melloría é evidente xa que “algúns veñen en cadeira de rodas e a gran maioría acaban camiñando con apoios, con bastón ou de xeito autónomo”. “O obxectivo é que sexan o máis independentes posible na súa vida diaria, explica.

“Para que volvan a andar son clave os dous primeiros anos de rehabilitación onde se crean uns axustes cerebrais como se o cerebro se reseteara. Trátase dun proceso de sinopsis das conexións neurológicas e hai que estimulalos para que o corpoo faga a recuperación o máis funcional posible”, suliña.

“Prevéñense deformidades, mellóranse patróns de mobementos inaxeitados e alívianse dores”, nunhas sesións de 45 minutos un ou dous días á semana. Ademáis realízanse sesións de psicomotricidade e hidroterapia na Piscina Municipal de Teis. Alí poñen en práctica técnicas adaptadas ao dano cerebral adquirido. “Aprenden a nadar e sírvelles de apoio para que superen a falla de mobilidade. Pero os grupos están pechados e non pode entrar ninguén máis”, conclúe.

A voluntaria Míriam Rivera, de 31 anos, é auxiliar de enfermería e ela mesma sufriu dano cerebral. Explica que os usuarios son “super agradecidos”. Colabora en baile, xogos de mesa e nas salidas de ocio e tempo libre. Sinala que “moitas veces as limitacións son máis mentais que físicas porque querer é poder”. E di que elexiu o voluntariado porque “sempre lle gustou axudar e tanto eso como auto axudarte só pode partir de ti, ninguén pode obrigarte”, di.

Fernando Vidal, o psicólogo do centro, indica que cando se produce un dano cerebral a familia, e en ocasións o propio afectado, poden atravesar un proceso de duelo similar ao que se produce tras a perda dun ser querido. A fase hospitalaria e o alta son períodos, polo antes mencionado, especialmente críticos, nos que os profesionais implicados deberían proporcionar información de xeito profuso ás familias e ter en conta os tempos que requiren estas para afrontar a situción que lle sobreviu, non só ao afectado, senón tamén a elas.

As persoas que acuden á asociación presentan unha grande variabilidade nas secuelas resultantes do dano cerebral que sufriron podendo darse alteracións de carácter físico, nas súas funcións mentales superiores e trastornos emocionais e do comportamento. O traballo individualizado e multidisciplinar adquire polo tanto un significado especial e ten que ter en conta ao afectado na dterminación dos obxectivos a acadar, xa que o traballo dos profesionais debería centrarse en proporcionar apoios e ferramentas para o desenvolvemento da autonomía persoal.

O traballo, seguindo criterios de “planificación centrada na persoa” é fundamental para desterrar os modelos de atención asistencial que imperan en ámbitos da atención á discapacidade e “os resultados observados nas persoas que acuden á asociación nos reafirman e reforzan nosa convicción de que esta é a liña a seguir”, indica o psicólogo.

As familias son un elemento clave a considerar no noso traballo diario xa que poden actuar de estímulo complementando a nosa liña de traballo, ou, en ocasións, resultar sobreprotectoras guiadas polo temor e a incertidume. Na asociación entendemos, como destaca Daniel Diz, que os tratamentos, e por extensión toda a atención teñen que estar orientados a unha tarefa determinada. A mellora das habilidades comunicativas no caso de alguén que presenta afasia, os avances relacionados co patrón da marcha, a mellora no equilibrio, o progreso relacionado coa motricidade fina non teñen que ser outra cousa que ferramentas que faciliten a vida en comunidade, lembra Fernando Vidal.

O xerente da entidade, Gonzalo Mira, educador social, lembra que “Alento” naceu como “unha iniciativa das familias e de profesionais relacionados co mundo do social e da discapacidade”. Fundouse “para cubrir a carencia de servicios públicos na atención a persoas con dano cerebral”. En realidade é un “Servicio de Readaptación, Información e Asesoramento” que atende a 56 persoas con esta lesión e ás súas familias.

Os usuarios pagan entre 0 e 200 euros ao mes segundo os seus recursos: “Todos están subvencionados porque dependemos de múltiples axudas de organismos públicos e privados. O problema é que estas axudas cada día son menores”, o que dificultou a apertura do seu novo centro en Navia con instalacións máis amplas e completas, que “pretendemos esté aberto en xaneiro”.

Unhas 40 persoas con dano cerebral agardan para entrar en “Alento” e “atendelos dependerá dos recursos públicos que teñamos”, estima.

“De cara ao futuro hai moitas dificultades, sobre todo, se a administración non responde ás nosas demandas, que non deixan de ser dereitos das persoas”, engade. Ainda que “estamos moi ilusionados coa apertura do novo centro que creemos nos pode abrir novas portas de financiación”, di Gonzalo.

O seu traballo ensínalle “cada día cousas novas, sobre todo, que ás persoas con esta lesión cerebral, si se lles dan oportunidades, poden aportar moitas cousas á sociedade”.


Luns, 03 Decembro 2012 Reportaxes Ler máis...

A 2 estrea o domingo a serie 'Capacitados', con Carmen Machi como primeira protagonista

TVE presentou xunto á ONCE e a súa Fundación a serie documental 'Capacitados', o novo espazo da 2 que se estrea este domingo 30 de setembro e no que diversos rostros populares do mundo da arte, a cultura e o deporte aceptan vivir unha xornada da súa vida cunha discapacidade. No primeiro capítulo, que se emite este domingo ás 20.00 horas, a actriz Carmen Machi préstase a realizar o seu traballo privada do sentido da vista.


Sábado, 29 Setembro 2012 Cultura Solidaria Ler máis...
Benestar destinará a Fademga en 2012 un total de 26,2 millóns de euros

Benestar destinará a Fademga en 2012 un total de 26,2 millóns de euros

A Consellería de Traballo e Benestar destinará este ano á Federación de asociacións en favor das persoas con discapacidade intelectual de Galicia (Fademga) un total de 26,2 millóns de euros, nos que se inclúen tanto o destinado ao mantemento de prazas como as axudas dirixidas á manter a súa estrutura organizativa e a súas actividades.


Sábado, 11 Agosto 2012 Novas Ler máis...
Agareso e Cogami galardoados nos Premios Empodera 2012

Agareso e Cogami galardoados nos Premios Empodera 2012

O programa integral de comunicación para o desenvolvemento 'Sen Barreiras', desenvolvido pola Asociación Galega de Reporteiros Solidarios (Agareso)  en colaboración coa Confederación Galega de Personas con Discapacidade (Cogami), resultou gañador nos premios Empodera 2012, na categoría de Cidadán Empoderado.


Xoves, 14 Xuño 2012 AG Radio Ler máis...

Guía informativa sobre as prestacións xurídicas e a discapacidade

A Consellería de Traballo e Benestar ven de poñer en marcha a nova Guía informativa sobre a protección xurídica e a discapacidade, que desde hoxe está a disposición dos interesados na páxina web do departamento autonómico. Esta iniciativa enmárcase no Plan de Acción Integral para as persoas con discapacidade de Galicia 2010-2013 e trátase da primeira destas características que se fai en España.


Xoves, 26 Abril 2012 Novas Ler máis...
<< Inicio < Anterior 1 2 3 4 5 6 Seguinte > Final >>
Páxina 1 de 6

Mapa de proxectos

Agareso Radio

Programa online

Axenda

Decembro 2014
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4