O Centro Cultural de España no Salvador (CCESV) fixo unha convocatoria aberta de propostas de programas radiofónicos, que rematou o 3 de marzo, para #LARADIOTOMADA, unha nova radio en liña participativa de cultura que será producida por axentes culturais e sociais, e que nace no seo da Casa Tomada, a extensión do CCESV en San Salvador. Neste momento estase seleccionando os programas e formando en técnicas de radio aos participantes.

Todas as persoas teñen dereito a faceren oír a súa voz na vida pública e a seren incluídas no proceso de toma de decisións políticas. Estas son as cuestións que centran hoxe a conmemoración do Día Internacional dos Dereitos Humanos baixo o lema ‘A miña voz conta’. A campaña estase a canalizar en boa medida a través das redes sociais, en Twitter co hastag #VoiceCount.

Dar voz ao pobo -principalmente aos sectores oprimidos- e empoderalo para que exprese a súa propia visión da realidade e se erixa en protagonista do cambio social a través da participación, é precisamente o obxectivo da Comunicación para o Desenvolvemento, a filosofía que rexe o traballo de Agareso.

O 10 de decembro celébrase a aprobación da Declaración Universal dos Dereitos Humanos pola Asemblea Xeral da ONU en 1948. No artigo 19, o documento recolle que “todo individuo ten dereito á liberdade de opinión e de expresión; este dereito inclúe o de non ser molestado a causa das súas opinións, o de investigar e recibir informacións e opinión, e o de difundilas, sen limitación de fronteiras, por calquera medio de expresión”.

Os artigos 20 e 21, que defenden a liberdade de reunión e asociación e mais o dereito a participar no goberno, protagonizan tamén a xornada de hoxe. Nesta ocasión tivéronse en conta as mobilizacións que nos últimos dous anos veñen producindo cambios no mundo árabe ou o movemento mundial dos indignados e indignadas que protestan pola desigualdade económica, política e social.

A gravadora é a fiel aliada da e do xornalista radiofónico. Iso foi o primeiro que aprenderon a quincena de estudantes que desde mediados de abril participan no obradoiro impartido por Agareso no CEIP López Ferreiro. O centro compostelán forma parte hai tempo da rede Escolas sen Racismo, promovida por Asemblea de Cooperación pola Paz, e este ano avanza na educación e a comunicación para o desenvolvemento a través da radio.

Agareso implementou no verán de 2011 o seu primeiro proxecto de Comunicación para o Desenvolvemento no exterior. O equipo integrado polas xornalistas Susana Alvite e Carmen Novas impartiu sete obradoiros de radio noutras tantas escolas do Bajo Lempa.

Carmen e Delicia son o fiel reflexo da efectiva cooperación norte sur. Carmen Parrado, misioneira e cirurxiá española, chegou a Perú nos 80 buscando axudar. Delicia Coroado, fundadora xunto a Carmen da Escola Campesiña de Educación e Saúde, foi a pinza perfecta para poder levar á práctica esta intención de axudar. Ambas levan 18 anos traballando por e para os campesiños da fronteira norte de Perú.

A través da rede REAL CODE, promovida por docentes das tres universidades galegas, esta semana celebran o seu primeiro encontro presencial para establecer liñas de traballo conxuntas.