Amosando elementos por tag agareso

Activistas colombianos achegan ao alumnado galego a importancia da cooperación no proceso de paz

Activistas colombianos achegan ao alumnado galego a importancia da cooperación no proceso de paz

O alumnado participante na terceira edición do proxecto de educación para o desenvolvemento ‘Cooperación Galega: O mundo que queremos’ no que colaboramos, terá a oportunidade de compartir experiencias a próxima semana con dous integrantes da Fundación Forjando Futuros de Colombia, contraparte de Asemblea de Cooperación Pola Paz (ACPP) e unha das organizacións que está tendo un papel máis activo nas negociacións de paz. Estas persoas percorrerán os cinco centros de ensino inscritos para explicarlle ao alumnado galego o traballo que están a realizar na súa organización para axudar ás comunidades desprazadas e ás vítimas do conflito armado colombiano, así como a importancia da cooperación para o desenvolvemento para apoiar o proceso de paz.

Gerardo Vega Medina, socio fundador e actual director da Fundación Forjando Futuros, é avogado da Universidade de Católica de Bogotá  e especialista en Estudos Especializados en Desenvolvemento Económico e Social, Énfase América Latina, da Universidade de Lovaina (Bélxica).

Toni Luis Lozano Berrocal, avogado na fundación e socio fundador, foi vítima do conflito, polo asasinato do seu irmán, no Masacre da Chinita, do Barrio Obreiro, municipio de Apartadó, no ano 2003.

Quen son as víctimas do conflito armado colombiano, o proceso de restitución das terras ás vítimas, como apoia a cooperación internacional estes procesos e como traballan as contrapartes para conseguir transformar o seu país, serán a temática básica das charlas que impartirán nos centros educativos de Vilaboa, A Coruña, Cuntis e Carballo.

A súa visita a Galicia inclúe, ademais, unha reunión coa Dirección Xeral de Cooperación Exterior, a participación no Seminario de Xornalismo Social que imparten Agareso e ACPP en Santiago de Compostela e unha charla en Pontevedra sobre a situación actual dos procesos de paz en Colombia e o problema agrario.


Venres, 08 Abril 2016 Proxectos Ler máis...
Obradoiro de fotografía

Agareso participa na nova edición de ‘O mundo que queremos’

A nosa organización colabora por segundo ano consecutivo en ‘O mundo que queremos’ un proxecto de educación para o desenvolvemento que forma parte da plataforma de innovación educativa Plan Proxecta, impulsada pola Consellería de Cultura, Educación e Ordenación Universitaria. Esta iniciativa pretende promover a reflexión do alumnado sobre a conexión existente entre as dinámicas locais e as desigualdades globais, neste caso a través da comunicación (podcast e imaxes) como medio para sensibilizar e transformar.

O fío temático do proxecto son os Obxectivos de Desenvolvemento do Milenio (ODM), así como experiencias de medios comunitarios vinculados a proxectos de cooperación internacional que serán presentados nas aulas a través de obradoiros de radio e fotografía e representacións de pezas do chamado “teatro da oprimida”. O proxecto inclúe asemade a visita aos institutos de persoas dos países do Sur vinculadas á cooperación para o desenvolvemento e un encontro final intercentros no que todo o alumnado participante gozará dun concerto e amosará os traballos radiofónicos e fotográficos realizados durante a duración do proxecto.

No noso caso, xa estamos percorrendo os centros participantes este ano cuns obradoiros de radio e fotografía a través dos cales o alumnado pode internarse no interesante mundo da radio e a fotografía, co obxectivo de utilizalos despois para sensibilizar ao seu ámbito máis próximo sobre aqueles temas que lles preocupan.

Deste xeito, á vez que se explican os conceptos clave con exemplos que xiran en torno aos Obxectivos de Desenvolvemento do Milenio (ODM), os/as rapaces/zas teñen a oportunidade de facer prácticas 'in situ' coa axuda dunha mesa de son e unha cámara fotográfica profesional, reforzando o proceso de aprendizaxe e facendo máis ameno o taller.

O alumnado participante está a aprender como funciona a radio na actualidade, que tipos de xéneros radiofónicos existen, como crear un programa de radio dende cero, así como algúns consellos para mellorar a calidade das súas imaxes.Tras estes obradoiros os rapaces e rapazas terán que crear os seus propios espazos radiofónicos e proxectos fotográficos relacionados cos ODM.

Os centros inscritos nesta segunda edición son: IES de Rianxo, CPI Viaño Pequeño de Trazo, CPI Castro Baxoi de Miño, IES A Cachada de Boiro, IES Beade de Vigo, IES Moncho Valcarde de As Pontes, IES Carlos Casares de Viana do Bolo, IES Alfoz-Valdouro e CPI Castroverde.  En total están a participar máis de 565 alumnos/as e 25 profesores/as.

Aquí tedes aos/ás participantes en acción.

Ademais de Agareso o proxecto está a ser executado polas ONGD Solidariedade Internacional de Galicia, e Mundo Cooperante, coa colaboración organizativa e formativa de Educo, Asemblea de Cooperación Pola Paz (ACPP), Tempo de Loaira e o grupo de Teatro dxs oprimidxs 100tolas. O proxecto conta co financiamento da Dirección Xeral de Relacións Exteriores e coa UE.


Martes, 20 Xaneiro 2015 Proxectos Ler máis...
O equipo do III Seminario de Agareso e ACPP traballa en Marrocos

Novas xornalistas galegas achéganse á cooperación en Marrocos da man de Agareso e ACPP

Catro estudantes do III Seminario ‘Xornalismo social e cooperación internacional’ impartido na USC atópanse en Marrocos para coñecer de primeira man a loita das organizacións locais a prol do desenvolvemento. A Asociación Galega de Reporteiros Solidarios (AGARESO) e a ONG Asemblea de Cooperación pola Paz (ACPP) promoven esta iniciativa para sensibilizar ás e aos novos profesionais da comunicación sobre o seu papel na consecución dun mundo máis xusto.


Martes, 27 Agosto 2013 Proxectos Ler máis...
Seminario USC: Nador, terra amazig

Seminario USC: Nador, terra amazig

Terrazas cheas de homes vendo o Real Madrid. O fútbol tamén reina nesta terra. Pola estrada os coches circulan de xeito caótico e intentar cruzar convértese nunha odisea. De fondo, unha voz chama ao rezo facendo ecos xordos entre os pitidos dos vehículos.


Mércores, 19 Setembro 2012 Proxectos Ler máis...
Centro de saúde de Smara, nos campamentos de refuxiados, en setembro de 2008.

Agareso no Sáhara: Hospitais de Portas Abertas

En setembro de 2008, un equipo de reporteiros de Agareso desprazábase aos campos de refuxiados saharauis para coñecer máis a fondo o programa 'Vacacións en Paz' e diversas vertentes da cooperación española e as súas asportacións á vida dos refuxiados. Ante a situación de inestabilidade que se está a vivir na zona e a repatriación dos cooperantes españois que expatriados, traemos o recordo sobre unha das crónicas publicados por aquel entonces. Poden consultarse todas no blog 'Agareso en el Sáhara'.


Mércores, 01 Agosto 2012 Reportaxes Ler máis...
'Di-k-non'

'Di-k-non'

AGARESO pon en marcha un novo proxecto de sensibilización sobre colectivos en risco de exclusión social e as iniciativas promovidas para a súa inclusión na sociedade e para promover un cambio social entre a poboación galega. Neste caso, farao a través do proxecto 'Di-k-non', promovido pola Fundación Barrié e a Unidade Terapética Educativa (UTE) do centro penitenciario de Teixeiro (A Coruña).


Domingo, 22 Xaneiro 2012 Proxectos Ler máis...
<< Inicio < Anterior 1 2 3 4 5 6 7 Seguinte > Final >>
Páxina 1 de 7

Mapa de proxectos

Agareso Radio

Programa online

Axenda

Xunio 2016
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3