Miles de persoas víronse afectadas polas intensas chuvias en Somalia, Kenya e Etiopía, informou a axencia da ONU responsable dos refuxiados, a ACNUR.

Cultivos arrasados, infraestruturas desfeitas e centos de familias evacuadas. É o panorama desolador que deixa nestes momentos a tormenta tropical 12 E no Baixo Lempa, a rexión salvadoreña onde hai apenas tres meses a Asociación Galega de Reporteiros Solidarios executaba o seu primeiro proxecto de Comunicación para o Desenvolvemento no exterior. As nenas e nenos que participaron naquela experiencia radiofónica nas aulas non acoden á escola dende hai varios días, pois coa declaración do Estado de Emerxencia se suspenderon as clases.

Máis de 45 mil grandes represas construíronse no mundo, desprazaron directamente 100 millóns de persoas en todo o planeta inundando terras equivalentes a tres veces o territorio de España. En México, existe un amplo continxente de desprazados polas inundacións das represas e o número de afectados increméntase co desenvolvemento de novos proxectos.