Miles de persoas víronse afectadas polas intensas chuvias en Somalia, Kenya e Etiopía, informou a axencia da ONU responsable dos refuxiados, a ACNUR.

O 20 de xuño de cada ano celébrase o Día Mundial do Refuxiado. Dende a súa creación en 1951 o ACNUR protexeu decenas de millóns de refuxiados. Neste día é importante destacar a protección daquelas persoas que tiveron que saír dos seus fogares a causa da violencia e o medo deixándoo todo atrás. Existen máis de 42 millóns de persoas que tiveron que deixalo todo; 16 millóns de refuxiados fóra dos seus países e 26 millóns de desprazados internos.

O Alto Comisionado da ONU para os Refuxiados (ACNUR) urxe aos países a adoptar novas medidas para responder ao desprazamento de poboación provocado por factores climáticos tanto dentro do seu territorio como cara a fóra das súas fronteiras.

A falta de recursos económicos pon en perigo a axuda humanitaria que prestan as axencias da ONU aos miles de desprazados en Libia. A Axencia das Nacións Unidas para os Refuxiados (ACNUR) explicou que os máis necesitados de axuda neste momento son varios miles de traballadores migratorios atrapados en distintas cidades do país.

ACNUR, co apoio de Intervida, despregará nas provincias da fronteira norte de Ecuador, con Colombia, un programa de integración educativa para a poboación infantil de refuxiados e solicitantes de asilo colombianos. O obxectivo é garantir o acceso á educación dos menores desprazados mediante a supresión de todas as barreiras que o impiden.

A axencia da ONU para os refuxiados acolleu positivamente as intencións expresadas por Túnez e Exipto nos últimos dous días de manter abertas as súas fronteiras ante o fluxo de persoas que foxen da incesante violencia en Libia.

Debido aos acontecementos dos últimos días na República Árabe de Libia, o ACNUR expresou crecente preocupación pola seguridade da poboación civil, en particular de solicitantes de asilo e refuxiados, moitos dos cales poderían ser atrapados pola violencia.