O prezo dos alimentos a nivel mundial experimentou unha subida continua durante o últimos catro anos, alcanzado a súa marca en 2011 ? o prezo do millo aumentou un 80% no que vai de ano, segundo denunciou Save the Children.

Nunha análise recente sobre a relación entre o aumento do prezo dos alimentos e a mortalidade infantil, a conclusión á que chegamos é que o aumento dos prezos dos cereais até un 40% entre 2009 e 2011- pon en perigo as vidas de 400.000 nenos e nenas.

Coa actual crise na Eurozona como tema dominante na axenda do G20, reclamamos aos líderes mundiais que protexan aos nenos e nenas máis vulnerables mantendo as súas promesas de financiamento á agricultura.

No Cume do G8 do 2009 en L`Aquila, 13 países - 11 deles representados no Cume de Cannes- comprometéronse a doar 22.000 millóns de dólares para axudar aos agricultores máis pobres. Con todo a maioría dos fondos aínda non se entregaron, a pesar da magnitude da crise alimentaria. A un ano da data límite tan só doouse o 22% do prometido.

A desnutrición é xa a causa de case un terzo das mortes de nenos e nenas cada ano, un de cada tres nenos que viven en países en desenvolvemento sofre atraso no seu crecemento, o que dificulta a súa aprendizaxe na escola e posteriormente a oportunidade de atopar un traballo.

Alimentos básicos como o arroz e o trigo viron aumentado o seu prezo un cuarto, outros como o millo fixéronos en tres cuartas partes. Por exemplo, durante o segundo semestre de 2010 o prezo do trigo aumentou un 54% en Kyrgyzstan, un 45% en Bangladesh, un 31% en Sri Lanka ou un 16% en Sudán.

O aumento do prezo dos alimentos supuxo para algunhas familias que lles sexa imposible ter un prato de comida decente sobre a mesa. O G20 debe aproveitar este cume para acordar un plan de acción que aborde esta crise e demostrar que os máis pobres non están no último lugar da axenda?, explica Yolanda Román, responsable de Incidencia política de Save the Children.