"Hai un problemática distancia entre o que prometemos e o que estamos a facer para apoiar a asociación mundial para o desenvolvemento. E espérase que esa brecha se agrande", dixo Ban Ki-moon, ao referirse á situación do oitavo Obxectivo do Milenio.

Esa meta establece unha serie de compromisos con respecto ao aumento e eficiencia da axuda, pero está lonxe de conseguirse.

Ban sinalou, por exemplo, que os doadores están a medio camiño de cumprir a súa promesa de entregar unha axuda ao desenvolvemento que supoña o 0,7% do seu Produto Interno Bruto (PIB).

Non obstante, destacou os avances rexistrados na materia e sinalou que o ano pasado os países doadores marcaron un récord na asistencia ao entregar 129.000 millóns de dólares.