Á súa chegada ao Aeroporto Internacional de Bissau, Noura Nardeza comentou á prensa que veu á súa “segunda patria” para axudar os nenos guineenses,  e manifestou a súa dispoñibilidade en establecer colaboracións coa Fundación.

En canto ás áreas que pensa apoiar na Fundación, a Princesa afirmou que de entrada vai tentar coñecer a realidade do país, examinar informacións para, posteriormente, identificar os aspectos que necesitan de apoios.

En relación ao apoio que van prestar á Comisión Organizadora da Conferencia das Primeiras Damas de África prevista para o mes de Decembro na Guinea-Bissau, a Princesa de Arabia Saudita prometeu dar unha gran contribución para materializar o evento.

Así mesmo, agradeceu o recibimento que recibiron tanto ela como a súa comitiva.

Posteriormente, Noura Nardeza e o seu marido Sulaiman Ao Fahin foron recibidos en audiencia polo Presidente da República Malam Bacai Sanha. Á saída do encontro, Sulaiman Ao Fahin esclareceu que viñeron  ao país para fortificar as “boas relación” existentes entre o mundo árabe, en particular a Arabia Saudita, con Guinea-Bissau,  así como implementar algúns proxectos que o país necesita, os cales non especifico.

En relación ás áreas nas que se vai a apoiar a Guinea-Bissau, Suleiman Ao Fahin, comentou que ao ser a primeira vez que están de visita ao país, aínda non teñen mínimas nocións das áreas en poden intervir, engadindo que a finais da visita xa van poder decidir sobre os dominios nos que eventualmente irán intervir.

A pesar de todo revelou que a construción dun Centro Social para a acollida de nenos constitúe unha  prioridade nos futuros proxectos de intervención en Guinea-Bissau.