Este apoio concretouse o 24 de decembro a través da firma dun acordo tripartito entre o Ministro de Saúde Nacional de Guinea-Bissau, o Embaixador de Venezuela e o Director do Laboratorio de Fabrica e Distribución de medicamentos de Cuba (LabioFam).

Adiato Djaló Nandigna, ministra de Comunicación Social de Guinea-Bissau asistiu ao evento en representación do Primer ministro, Carlos Gomes Júnior.

Os gobernos de Guinea-Bissau e Cuba, que vai achegar os recursos humanos, así como o de Venezuela, que apoiará cos fondos financeiros, van unir forzas para desenvolver un proxecto de loita anti-vectoriana e o uso dun novo método biolóxico para combater a malaria.

"Non soamente a enfermidade na súa versión transmitida polo mosquito, senón posibilitar a mellora das condicións de vida da poboación guineana", aclarou á prensa o Director do LabioFam, Félix Quintar Pulido, que engade que o proxecto terá unha duración de 2 anos e se iniciará a mediados de 2011.

O ministro da Saúde guineano aclarou que Venezuela vai liberar 1.4 millóns de dólares, mentres da parte do país de Fidel Castro, teñen-de vir os técnicos no ámbito deste proxecto.

"Pola nosa banda, só nos queda beneficiarnos deste apoio", alegrouse Camilo Simões Pereira, quen detallou que o proxecto consiste nun novo método de loita anti-malaria e das outras enfermidades cuxo vector principal é o mosquito.

En consonancia co gobernante guineano, os técnicos cubanos desenvolveron un método innovador que consiste no uso de larvas do insecto que causa a enfermidade para combater esta.

"Pensamos que no primeiro semestre do próximo ano imos dar inicio ao proxecto e imos poder erradicar o paludismo e combater as enfermidades transmitidas" polos mosquitos" "nun 80 por cento", dixo o ministro, engadindo que o proxecto afectará a todo o territorio nacional.

"É ben posible que poidamos comezar cunha rexión especifica pero, aos poucos, imos o amplíar a todo o país", concluíu Camilo Simões Pereira.