Proba deste empeño foi a visita efectuada o día 19 de decembro á fábrica de algodón de Bafatá, na cidade do mesmo nome, por unha delegación do Ministerio de Agricultura, encabezada polo seu titular, Barros Bacar Banjai, e que tamén integraba o Director Xeneral da Ecobank (cadea de bancos da subrexión occidental africana) en Guinea-Bissau e o representante do Banco Oeste Africano de Desenvolvemento.

O obxectivo do desprazamento dos representantes destas dúas institucións financeiras constitúe unha primeira toma de contacto coa capacidade da unidade fabril, para así poder investir na súa recuperación.

O Ecobank e o BOAD van presentar o informe desta misión ás empresas eventualmente interesadas en adquirir aquela fábrica. Posteriormente, cada empresa vai enviar técnicos para facer levantamentos sobre o seu estado e necesidades, os cales serán financiados por estas dúas institucións.

A delegación que integraba varios técnicos e responsables rexionais do MADR percorreu toda a instalación da fábrica, dende o almacén de stock de produtos á máquina de embalaxe e pesado e o grupo electróxeno que aprovisiona a esta de luz eléctrica, pasando polo perforo de auga.

O Ministro da Agricultura e Desenvolvemento Rural pronunciou un discurso que comezou por esclarecer que o relanzamento dos produtos comerciables e exportables en Guinea-Bissau é unha preocupación que o executivo liderado por Carlos Gomes Júnior incluíu no seu programa de goberno.

Informou de que a misión se desenvolveu en Bafatá por orientación do primeiro ministro, para responder ás demandas do representante dos Agricultores e do dos Régulos de Bafatá sobre a necesidade de poñer máis atención á produción algodoeira.

"Carlos Gomes Júnior, por coñecer a importancia deste produto na elevación do nivel de vida das poboacións, está moi interesado en relanzar a produción de algodón no país", referiu Barros Bacar Banjai.

Recordou que foi o executivo liderado por Carlos Gomes Júnior o que en 2005 conseguiu liquidar as débedas dos diferentes actores de produción da fábrica durante a ruptura desta e engadiu que ao tomar posesión do cargo este o instruíu para privilexiar o informe da empresa.

Barros Bacar Banjai anunciou a transformación das asociacións de campesiños de algodón non só da rexión de Bafatá senón tamén das outras partes do país, nunha nova sociedade capaz de absorber fondos privados.