José Augusto Mendonça (Enviado especial da AGARESO a Ziguinchor).- Máis de trescentas persoas de Gambia Guinea-Bissau e Senegal participaron no Foro Social Senegalés, denominado “Senegambia”, celebrado na localidade de Ziguinchor entre o 1 e o 4 de decembro. Ao termo das xornadas de traballo, recomendaron que se invista na transparencia e obrigatoriedade de dar conta da xestión dos recursos e patrimonio dos pobos, no camiño do bo goberno nestes tres países.

Os participantes recomendaron á Comisión Organizadora do Foro Social Mundial Dakar 2011 que intercambie documentos entre as delegacións dos tres países, reforce as sinerxias entre os actores do proceso e de máis difusión aos documentos oficiais en vigor no sector social e da educación.

Alertaron tamén de que se teña en conta o problema da diversidade lingüística, que debe ser encarada como riqueza ao servizo dos respectivos pobos. Ademais, exhortaron sobre a necesidade de garantir unha paz duradeira, algo que pasa, segundo os seminaristas, pola necesidade de proceder á enquisa da finalidade do cargamento de armas procedente de Irán e con destino a Gambia, feito que complicou as relacións destes dous países e tamén con Senegal.

Finalmente, apelouse ao respecto aos principios republicanos e a realización de procesos electorais regulares e transparentes, con vista a asegurar un clima de paz e de estabilidade, factores esencias para o desenvolvemento das respectivas nacións.

Para concluír, redactouse unha moción de felicitación e agradecemento ás autoridades administrativas e municipais de Ziguinchor, polo seu apoio e seguimento deste evento. Os participantes testificaron a súa satisfacción aos compañeiros que contribuíron financieramente con 15 dos 60 millóns inicialmente estimados para que este evento tivese lugar.