Até finais de xaneiro do 2012 podes colaborar na campaña de recollida de alimentos e roupa que promove a ONG Equus Zebra en colaboración cos centros de Obra Social Novacaixagalicia da cidade da Coruña.

A Coordinadora Galega de ONG para o Desenvolvemento celebra o seu vinte aniversario. O 1 de xuño de 1991, asinouse a acta fundacional da entidade e dúas décadas despois é moito o traballo levado a cabo a favor da xustiza social e a loita contra a pobreza.

Unha embarcación adaptada, unha reprodución da Torre de Hércules en relevo, un rato de ordenador que se manexa co movemento do ollo, un inodoro que permite o axuste de altura segundo a necesidade da persoa que o vaia utilizar, son un aperitivo do que se pode ver exposto no IV Salón de Técnicas de Autonomía, Dependencia e Discapacidade, que se está a celebrar no hotel Monumento San Francisco de Compostela, co motivo do Día Internacional das Persoas con Discapacidade.

A organización ATTAC presenta hoxe “en sociedade” ATTAC XEG (xustiza económica global), a agrupación territorial de ATTAC en Galicia, reorganizada e con máis forza, para tratar de romper co pensamento único establecido.