"Seguimos fracasando como seres humanos no momento que izamos a bandeira da humanidade. Insistimos en utilizar unha desas teas de mala calidade que o tempo evidencia coa degradación das cores e a propia insignia. A insaciable meta do enriquecemento persoal e unha nefasta distribución dos recursos constrúe un escenario marcado pola desgracia para preto de 350 millóns de nenos no planeta.

Non é a primeira ocasión que Save the Children intenta atizar nas conciencias coa arrepiante confirmación dunha escaseza de primeira orde. Acaba de denunciar que "son necesarios 3,5 millóns de traballadores sanitarios para garantir unha mínima atención infantil no mundo". O maiúsculo, por non dicir global, problema non empeza e remata con este dato achegado pola ONG.

Ao parecer, este feito podería ameazar, nalgún momento, á vida de centenares de millóns nenos e nenas que ao longo da súa existencia non recibirían unha mínima asistencia sanitaria cualificada. Dito doutra forma, nunca serían atendidos" por un profesional técnico" "nesta materia, circunstancia que reduce a esperanza de vida a un máximo de cinco anos en países como Liberia, Etiopía ou Nixeria".

Le a entrada completa no blog Referencias.