A conservación da terra e os espazos e recursos naturais aparece cada vez con máis relevancia na busca dun desenvolvemento sostible. Nacións Unidas calcula que en total case 20 millóns de hectáreas de terras de cultivo - unha área equivalente á metade de terras cultivables de toda Europa - foi vendida ou está en proceso de adquisición no terceiro mundo.

Un dos estudos máis completos sobre a cuestión é probablemente o publicado en 2009 polo Instituto Internacional para o Medio e o Desenvolvemento (IIED), que certifica que a apropiación de terras é un fenómeno en ascenso, e advirte de que é cada vez maior o risco de que campesiños pobres acaben sendo expulsados das súas terras ou perdan o acceso á auga e a outros recursos.

Ademais, o neocolonialismo agrario arrebátalle sen dúbida o traballo ao campesiñado e crea tensións sociais extremas e violencias civís. En relación con este tema, a biodiversidade e a súa xestión estanse a converter nos temas clave da axenda sostible dos últimos tempos.

Le máis no blog Referencias.